په عمان کې د قرآن د درې دیرشموعمومی سیالیو هرکلی

ایکنا -  د عمان د  سلطان قابوس درې دیرشمې عمومی سیالۍ د بېلابېلو عمرونو کسانو له پراخ هرکلي سره مخ شوې دي. 

 ایکنانیوز د عمان الیوم په حواله راپور راکړی، د دغو قرآنی  سیالیود درې دیرشمې مرحلې د نوم‌لیکنې په لومړیو اوونیو کې د بېلابېلو عمرونو  کسانو له خوا، د نارینه‌و او ښځینه‌و په شمول، له پراخ هرکلي سره مخ شوې ده. 

د «سلطان قابوس» د عالي فرهنګ او علومو مرکز د سلطاني دربار په استازیتوب د مئ میاشتې په در یمه نېټه(د غوایي ۱۳) وئيلي وو، چې ددغو سیالیو لپاره نوم‌لیکنه د www.quran.gov.om  ویب‌سایټ له لارې پیل شوې او دا نوم‌لیکنه به د جولائي تر ۱۷  ( د  چنګاښ تر۲۶) پورې دوام وکړي. 

دا سیالۍ به د عمان د بېلابېلو ولایتونو او عمرونو  لرونکو  شرکت‌کوونکو ته فرصت برابر کړي چې په ملي کچه په یوې ترټولو باؤری  قرآنی سیالئ کې برخه واخلي. 

د ټول قرآن حفظ، د ۲۴  پرله پسې سپارو او جزو حفظ، د ۱۸  پرله پسې جزؤ حفظ، د ۱۲  پرله پسې جزو حفظ (د ۲۰۰۰ میلادي کال وروسته زېږېدلو لپاره)، د ۶  پرله پسې جزؤ  حفظ (د ۲۰۱۱ کال وروسته زېږېدلو لپاره)، د ۴ پرلخ پسې جزؤ  حفظ (د ۲۰۱۵ کال وروسته د زېږېدلو لپاره) او د ۲  پرله پسې جزؤ یا سپارو  حفظ (د ۲۰۱۸ کال وروسته زېږېدلو لپاره) د دغو  سیالیو  څانګې اعلان شوي دي. 

د سلطان قابوس د قرآن عمومی سیالۍ لومړی ځل په ۱۹۹۱ کال کې پیل شوې او د قرآن د حفظ هڅونه، د قرآني لارښوونو او تعلیماتو په لار  روانېدل او د یوې قرآنی نسل روزنه، چې د خداي د کتاب وړونکي او په ټولنې کې فعاله ډله وي، د دغو سیالیو د ترسره کولو موخې دي. 

همدارنګه، دا سیالۍ د تکړه او ماهرو  قاریانو په پېژندلو سره هڅه کوي چې د عمان شتون په نړیوالو قرآنی سیالیو کې پیاوړی کړي.

https://iqna.ir/fa/news/4284765